精選七月街拍 炎熱仲夏的都市造型
今期街拍去到旺角，喺炎熱潮濕嘅仲夏夜，捕捉都市入面當代年青人時下造型。
喺台式飲品店對面，發現家琪同緊身邊嘅朋友傾偈，被佢嘅裝扮吸引之下就邀請佢進行街拍。家琪頭上有一條手織頭帶，配上帶少少grunge風格嘅黑色tee同不規則流蘇邊牛仔長裙，隨性、暗黑風格衣物配搭與嘉琪嘅笑容、慢節拍嘅談吐有強烈反差感。
準備影相嘅時候，家琪拎岀飛天小女警嘅手提鏡同梳仔，被攝影師提議用作小道具，結果亦成為小編覺得最捕捉到嘉琪個性嘅相片。
你心目中嘅BOLD LOOK係？
家琪 (@i.am.super.hero ) - 「揾到自己喜歡嘅風格，學習、消化當中嘅元素，套用到自己日常打扮。」
有一種樂趣係同知己一齊打扮行街，為大家互相挑選適合嘅衣着，即使未有戰利品仍然覺得好滿足！而今次邀請街拍嘅對象就係拍檔行街嘅Sammi同楚渝。
Sammi染咗一頭齊陰及肩公主切紅髮，橙紅色無袖上衣以及豹紋短裙，配搭紅黑相間長襪搭配毛毛襪套，飾品方面加上袖套同頸圈，並以厚底鞋作結。
而楚渝就以水藍色作主調，頭上嘅髮帶、絲絨背心同Lace短襪都同樣襯色，外加上毛毛手帶同皺褶襪套，亦同樣配搭上厚底鞋。
一藍一紅嘅配搭，仿如千禧年代少女漫畫中嘅雙子星組合，回頭率滿滿。
Inez嘅打扮以歐美復古風打扮為主，簡約嘅黑色無袖上衣搭配牛仔低腰A字長裙，再加上藍黑格紋背包，色系配襯得宜令整個造型更加完滿。飾品方面，Inez選擇咗今季大熱嘅橢圓框玳瑁太陽眼鏡以及夏天少見嘅條紋冷帽，襯落夏天服飾亦未見累贅，而佢更透露太陽眼鏡係嚟自媽媽嘅經典收藏，街拍當日靈機一觸加入造型，恰巧有機會俾我哋捕捉。
問到造型入面最鐘意嘅部份，思齊就認為係佢嘅低腰牛仔裙，因為岩岩好可以展示佢腰間嘅紋身。
你心目中嘅BOLD LOOK係？
Inez （@_...
精選六月街拍 – 來自年輕新鋭藝術家的穿搭
今期街拍去到位於尖沙咀@heath_hk、一個充滿藝術圈新銳嘅展覽，探索年輕藝術家嘅創作之餘，亦留意佢哋嘅個性穿著，今次有幸邀請到紋身師Iris、多媒體裝置藝術家Lilian、造型設計Jessica同劇場演員Dan，分享佢哋身上嘅穿搭。
首先介紹嘅係來自本地紋身師@iirisyung，展場中到處都有佢嘅口號”Buy My Art Before I Die”，今次展覽中展示數幅潑墨畫作均由佢親自繪製，風格隨性而具有力量。
至於穿搭上，Iris著嘅係一身丹寧組合，上身搭配牛仔帽衫外套、白襯衫同黑領呔，下身配搭牛仔褲與黑皮鞋。牛仔帽衫搭恤衫令整個造型唔會太過正裝，整體感覺清爽俐落，同佢作品風格如出一轍。
你心目中嘅BOLD LOOK係？
Iris @iirisyung - 「想著咩就著咩，想點就點。」
多媒體裝置藝術家Lilian@ioooooi._.ioooooi 一身寛鬆黑色造型，絲質襯衫配絲質紋理長褲，同時加入富工業風嘅紅色墨鏡同自家製黑翼，絕非日常可以見到嘅造型。佢亦都向我哋介紹佢自製嘅牙刷頸鏈，由佢嘅舊牙刷改裝而成。
講到穿搭入面最鐘意嘅部份，喺幾樣特色單品中，Lilian最喜歡紅色眼鏡，因為戴起嚟望世界都自帶特效。
你心目中嘅BOLD LOOK係？
Lilian (@ioooooi._.ioooooi ) - 「融入自己生活，就好似我條牙刷頸鏈咁。」
本職為美術指導同造型設計嘅Jessica以skinhead造型示人，當日穿搭非常簡潔但不乏亮點，以純黑色入肩背心配同色嘅皮袋，配襯一件鍛面boxing長褲。而Jessica更加同我哋分享，呢條褲係來自媽媽年輕時嘅珍藏，別具意義。
喺展覽裏面，Jessica亦有放上自己嘅作品，有興趣嘅讀者不妨親自去展覽參觀...
站在永續時尚最前端 – 時裝界的綠色革命
近年動物友善的概念在飲食上蔓延全球，各款替代肉類的新型植物製食品如BeyondMeat、Omni Food等品牌在市場上大放異彩。就連時尚界也響應這股風潮，品牌紛紛研究起不同的物料去取代動物製品，務求滿足動物愛好者與環保主義者等的龐大市場。而人造皮革雖然不難在時裝世界發現，但隨著市場對用料和來源有著更高要求，以石油為原料的聚氯乙烯PVC、聚氨PU生產過程被人垢病，因此各品牌紛紛投入科研，希望用科技帶來永續而對地球無害的時尚。而一個時裝地位舉足輕重的品牌最近就發佈了一個結合科研和工藝突破的產品。
Gucci最近釋出一輯由美國新生代天后、亦是素食者多年的Billie Eilish所拍攝的一輯硬照，Billie用上了最新推出、復刻品牌1955年設計的款式手袋，與舊款不同的是，最新的版本用上了Gucci研發兩年的環保物料 －Demetra。
與坊間普遍選用的PU物料相比，Demetra含有達77％的植物性原材料，當中使用了來自可再生源頭和負責任管理來源的人造絲和木漿複合材料，與不含GMO的生物基聚氨酯，突顯岀品牌對可持續發展的決心。而在生產工藝上，Demetra 產品同樣由意大利Gucci工廠生產，並採用與動物製皮革同樣的精密技法，令成品柔韌、富有彈性且耐用。Gucci早於2021年已經釋岀用Demetra作用料的球鞋，而深研兩年之後 Gucci 終於在其主打工藝的經典Horsebit 1955系列中，首次將Demetra應用在手袋上，標誌着品牌達到工藝與可持續發展兼具的里程碑。
今次Horsebit 1955 Demetra系列款式有純黑色以及經典的Monogram圖案，設計加入品牌經典的馬銜鍊金屬扣元素，就連袋中使用邊金屬製品亦是由回收物料製成。袋身大小與近年大熱的腋下包相似，相信足以滿足大部分用家日常用品如手機、銀包、口...